د شیعیت کلتور او د میثم تمار کورنۍ میراث کتاب ولیکل شو
د ایکنا راپور له مخې، د «خاندان میثم تمار»،نومې کتاب به چې د شیعه کورنیو د ټولګې یوه برخه ده، ډېر ژر د حوزې او پوهنتون د څېړنیز مرکز لخوا خپور شي.
د شیعه علمی کورنیو په اړه څېړنې چې د تشیع په ساتنې او پراختیا کې د پام وړ ونډه لرلې، کولی شي د شیعه علمي او فرهنګي تاریخ کې نوي لیدلوري پرانیزي. هغه څه چې د کورنیو په اړه د څېړنو اهمیت زیاتوي، دا دی چې دغه کورنۍ د لومړي هجري پېړۍ په سیاسي فعالیتونو کې بنسټیز رول درلود او د هغوی روایتون، د کورنیو ترمینځ د سیالۍ په اړه جوړ او پراختیا موندلې ده، او د دې روایتونو په څېړلو سره د هغه عصر فکري او سیاسي فضا ته رسیدلای شو. دغه کورنۍ د امامانو (ع) او شیعه میراث نسل په نسل انتقال کړی او پر قوت او استحکام ئې زیاتوالی راوستی دی.
د کتاب معرفي کولو په اړه ویل شوي:
دغه کتاب د میثم تمار د کورنۍ فرهنګي او تاریخي رول ته په درې لومړیو هجري پېړیو کې څېړنه کوي. میثم تمار چې د امام علی (ع) له یارانو څخه و او د دې کورنۍ بنسټګر و، د خپلو اولادونو او لمسیانو سره د اهل بیت (ع) میراث په ساتنې او انتقال کې مهم رول درلود. دا کورنۍ چې د هغې اصلي ځای کوفه و او د بنی اسد قبیلې سره ئې تړاو درلود، د اهل بیت (ع) حدیثونو په لیکلو او روایت کولو کې ستره ونډه درلوده چې د تشیع کلتور یې پیاوړی کړ.
کتاب په درې فصلونو تنظیم شوی دی: فصل اول د میثم تمار او د هغه د اولادونو په اړه روایتونه او کتابونه څېړي. دوهم سپرکی ،د میثم تمار د لمسیانو او د هغوی فرهنګي او روایي فعالیتونو ته چې عمدتاً په وخت د امام صادق (ع) ترسره کیدل، مخصوص دي. درېم سپرکی ،د میثم تمار د اولادونو او لمسیانو سره تړلي دهغو کسانو په باب بحث کوي. چې هغوی هم د اهل بیت (ع) په روایتونو کې برخه اخیستې ده. دا څېړنه د روایتي او تاریخي منابعو دقیق تحلیل سره د میثم تمار کورنۍ میراث د شیعیّت په کلتور کې تشرېح کوي او د اهل بیت (ع) د معارفو په انتقال کې د دغې کورنۍ مهم ځای څرګندوي.
د دغو کتابونو د ټولګې یو بل اثر د «خاندان ابورافع» په اړه دی چې د منصور داداشنژاد لخوا لیکل شوی دی.
https://iqna.ir/fa/news/4320212/
